పన్నగ-శయనుడైన ఆ వెన్నుడే నాకిక గతిబో!

కంద-పద్య-మణి మా బామ్మ జిలేబీ!
జిలేబీ తీపిని మరిగిన ఔదురు bee-లేజీ! 
లేజీ రోజుల తాజా కావించు మీ కందాలు
కందాలు కావవి "పన్నా"రవిందాలు.


ప్రయ్నతించానొక ముక్తపదగ్రస్తం
అభిమాన పూరిత జిలేబీయం!
నా పన్నుని చదివి హన్నా! అన్నచో
పన్నగ-శయనుడైన ఆ వెన్నుడే నాకిక గతిబో!

తల్లడిల్లి దివాలీ ఆయె దీపావళి!

ఇంటను వెలిగే  కళికల కాంతులు 
మింటను మెరిసే చుక్కలతో పోయె వంతులు
కళికల గాంచి మురిసె దీపావళి!   

దీప ఆవళుల తోరణ జిగినీ
మిలమిలలాడుత ధరించె రజని
తోరణపు దివ్వెల మెరిసె దీపావళి!

దివాలా నీడ  సోకని  దీపావళి
ళ-కారం జాడ దొరకని తెలుగులో
తల్లడిల్లి దివాలీ ఆయె దీపావళి!

తెలివిడి - నిలకడ

తనకి తెలియదు
తనకి తెలియదని తనకే తెలియదు
తనకి తెలియదని తెలియని 
తన తెలియనితనాన్ని తెలియనట్లుంటే పోలా!

తనకి తెలియదు
తనకి తెలియదని తనకీ తెలుసు
తనకి తెలియదని తెలిసిన తనకి
తెలియనిది తెలియచెప్తే చాలా?

తనకి తెలుసు
తనకి తెలుసని తనకే తెలియదు
తనకి తెలుసని తెలియని తనకి
తెలిసినది తెలియజేస్తే మేలా !

తనకి తెలుసు
తనకి తెలుసని తనకి బాగా తెలుసు
తనకి తెలుసని తెలిసిన తనని
తెలుసుకుని తోడు కూడు ఇలా !

తనకి తెలుసో? తెలియదో ?
తెలిసినది ఎంత తెలుసో తెలియదు
తెలియనిది ఎందుకు తెలియదో తెలియదు
తెలిసీ తెలియని తనని
తెలిసీ తెలియనట్లుంటే మన తెలివిడి నిలకడే!